ჟურნალ “Chest”-ში გამოქვეყნებული კვლევის თანახმად, სუბლინგვალური იმუნოთერაპია ამცირებს ასთმის სიმპტომების გამოხატულებას და სამედიცინო პრეპარატების მიღების აუცილებლობას ალერგიული ასთმის მქონე ბავშვებში.
გენუას უნივერსიტეტის მკვლევარები, პროფ. ჯორჯო ვოლტერ სანონიკას ხელმძღვანელობით, თვლიან, რომ ასეთ ბავშვებში საჭიროა დამატებითი კვლევების ჩატარება, რათა განისაზღვროს ეფექტური დოზა და დანიშნულების რეჟიმი.
ბოლო წლებში ზ. ა. თემასთან დაკავშირებით გამოქვეყნდა რამდენიმე სტატია, რამაც იტალიელ მეცნიერებს უბიძგა კვლევის მეტა-ანალიზის ჩატარებისკენ, რათა განესაზღვრათ სუბლინგვალური იმუნოთერაპიის ეფექტურობა 3-დან 18 წლამდე ასაკის, ალერგიული ასთმით დაავადებულ ბავშვებში.
კვლევა მოიცავდა 441 პაციენტს, რომელთაგან 232-ს უტარდებოდა სუბლინგვალური იმუნოთერაპია, ხოლო 209 კი იღებდა პლაცებოს. მკვლევარებმა აღმოაჩინეს, რომ სუბლინგვალური იმუნოთერაპიის ჯგუფში ასთმის სიმპტომების გამოხატულება და სამედიცინო პრეპარატების მიღების აუცილებლობა მნიშვნელოვნად შემცირდა, რასაც ადგილი არ ჰქონია პლაცებოს ჯგუფში.
კვლევის ავტორები აღნიშნავენ, რომ ჩატარებული მეტა-ანალიზი ადასტურებს სუბლინგვალური იმუნოთერაპიის კლინიკურ ეფექტურობას ასთმის მქონე ბავშვებში და აცხადებენ, რომ კვლევები უნდა გაგრძელდეს ამ მიმართულებით.
http://www.medlinks.ru
2008.04.21
