ბუნებრივმა არომატულმა ზეთებმა, რომლებიც სინთეზურ პარფიუმერიასთან შედარებით უსაფრთხო კოსმეტიკურ საშუალებებად არიან მიჩნეულნი, შესაძლოა ძლიერი ალერგიული რეაქცია გამოიწვიონ.
გამოთვლილია, რომ ყოველ მეხუთე ევროპელს უვითარდება ალერგული რეაქცია ქიმიურ ნივთიერებებთან კონტაქტისას. შედარებით უფრო გავრცელებულად ითვლება ალერგია ნიკელზე, თუმცა ბევრ ადამიანს ზ. ა. რეაქცია სუნამოების მიმართ უვითარდება. ეგზემის მაპროვოცირებელი ალერგენები წარმოიქმნება კანის ფერმენტებთან პირდაპირი კონტაქტის შედეგად. ბევრი ადამიანი თვლის, რომ ყველა ბუნებრივი ნივთიერება და ნატურალური ექსტრაქტები ნაკლებად საშიშია სამკურნალო პრეპარატებთან შედარებით. თუმცა, შვედი მეცნიერები გვაფრთხილებენ, რომ ეთერულ არომატულ ზეთებს, მათ შემადგენლობაში მყოფი ანტიოქსიდანტების მაღალი შემცველობის მიუხედავად, ისეთივე მძიმე ალერგიული რეაქციების გამოწვევის უნარი შესწევთ, როგორც ხელოვნურ მასალაზე შექმნილ სუნამოებს.
შვედეთის ქალაქ გოტებურგის ფარმაკოლოგიური უნივერსიტეტის ქიმიკოსებმა შეისწავლეს ვარდის ზეთის მოქმედება ადამიანის ორგანიზმზე და დაადგინეს, რომ იგი იწვევს კანის ალერგიულ რეაქციებს. ამ დროს შეინიშნება ნივთიერება ციტრალის აქტივაცია, რომელიც პარფიუმერული პროდუქციის დამზადებისას ფართოდ გამოიყენება, როგორც სურნელოვანი კომპონენტი.
ფარმაკოლოგები ალერგიულ ადამიანებს ურჩევენ მაღალკონცენტრირებული სურნელოვანი ესენციებისა და არომატული ზეთების გამოყენებისგან თავის შეკავებას, ეგზემისა და სხვა ანთებითი რეაქციების პრევენციის მიზნით.
http://www.medlinks.ru
2009.02.09
