მკვლევარებმა შეიმუშავეს შარდის ტესტი, რომელიც ერთდროულად ავლენს კარცინოგენული პროცესის პოტენციური განვითარების ხარისხსა და ნივრის მოხმარების მარკერს.
პატარა პილოტური კვლევის შედეგების მიხედვით, რაც მეტ ნიორს მოიხმარს ორგანიზმი, მით უფრო ნაკლებია კარცინოგენული პროცესის განვითარების რისკი.
კვლევა ეხებოდა სხეულში მიმდინარე პროცესებს, რომელიც ასოცირდებოდა აზოტის შემცველ ნაერთებთან. ეს პროცესები მოიცავს ნიტროზაციას, ანუ საკვებსა და დაბინძურებულ წყალში არსებული ზოგიერთი ნივთიერების კარცენოგენულ ნივთიერებად გარდაქმნას.
კვლევამ აჩვენა, რომ ზ.ა. შარდის ტესტის მიხედვით, რაც მეტია შარდში ნივრის მოხმარების მარკერი, მით ნაკლებია კიბოს განვითარების რისკი, აღნიშნავს კვლევის ხელმძღვანელი იარლ ჰარისონი (Earl Harrison).
მეცნიერებს იმედი აქვთ, რომ საკვები ნივთიერებებით ზემოქმედება ეს ის გზაა,
რომელიც შეაჩერებს კარცინოგენების განვითარების პროცესს. ეს პროცესი, ჩვეულებრივ, ინიცირებულია ნიტრატების მოქმედებით, რომელიც დაკავშირებულია სპეციალურად დამუშავებული ხორცის ან მაღალ ტემპერატურაზე მომზადებული საკვების, ან დაბინძურებული წყლის მოხმარებასთან.
მოხმარებული ნიტრატების დაახლოებით 20% გარდაიქმნება ნიტრიტებად, ეს უკანასკნელი - ნიტროსამინებად, რომელთაგან უმრავლესობა კიბოს განვითარებას უკავშირდება.
ბოსტნეული, ასევე, შეიცავს ნიტრატს, მაგრამ, როგორც ადრინდელმა კვლევებმა აჩვენა, ამ შემთხვევაში C ვიტამინის ზემოქმედებით ტოქსიკური გარდაქმნების რისკი ნაკლებია. მეცნიერები ფიქრობენ, რომ ნიორში არსებულ საკვებ ნივთიერებებს C ვიტამინის ანალოგიური ანტიოქსიდანტური ეფექტი აღენიშნება.
კვლევა ჩატარდა პენის სახელმწიფო უნივერსიტეტში.
მკვლევარები ურჩევენ ადამიანებს, რომ მოიხმარონ ნიორი, რადგან მას ზიანი არ მოაქვს ორგანიზმისთვის და სასურველია ჯანმრთელობის შენარჩუნებისთვის.
http://www.elements4health.com
2010.03.05
|
