ამერიკელმა მეცნიერებმა აღმოაჩინეს, რომ ნარკოტიკულ ანალგეზიურ საშუალებას მორფინს შეუძლია ახალი სისხლძარღვების წარმოშობის (ანგიოგენეზი) პროცესის ბლოკირება ავთვისებიან სიმსივნეებში, რითაც იგი ანელებს სიმსივნურ ზრდას.
მინესოტის უნივერსიტეტის მკვლევარები ფილტვის კიბოს ცხოველურ მოდელზე სწავლობდნენ მორფინის ონკოლოგიაში გამოყენებული დოზების ტკივილგამაყუჩებელ ეფექტს.
მათ დაადგინეს, რომ პრეპარატის ქრონიკული გამოყენებისას მცირდება ანგიოგენეზის დონე სიმსივნეში. ამასთან, შემცირების ხარისხი დამოკიდებულია ოპიოიდურ რეცეპტორებზე. მორფინის აღნიშნული ეფექტის რეალიზაცია ხდება ფილტვის ქსოვილში ჟანგბადის დაბალი კონცენტრაციის შესახებ სიგნალების დათრგუნვის ხარჯზე. ჩვეულებრივ, ამ სიგნალების საფუძველზე ხდება სისხლძარღვების ზრდის ფაქტორების გამომუშავება.
კვლევის ხელმძღვანელის საბიტი როისა (Sabita Roy) და მისი კოლეგების აზრით, მიღებული შედეგები მოწმობს, რომ ონკოლოგიაში მორფინი შეიძლება გამოყენებული იყოს არა მხოლოდ როგორც ანალგეზიური, არამედ სიმსივნისსაწინააღმდეგო საშუალებაც.
მათი დასკვნები პირდაპირ ეწინააღმდეგება იმ კვლევის რეზულტატებს, რომელიც ჩატარდა ჩიკაგოს უნივერისტეტში და აჩვენებს, რომ მორფინი იწვევს კიბოს უჯრედების ზრდის დაჩქარებას, ანტისიმსივნური იმუნიტეტის დაქვეითებას, სიმსივნის მკვებავი სისხლძარღვების ზრდის სტიმულირებას და მათი ბარიერული ფუნქციის დაქვეითებას, რაც ხელს უწყობს კიბოს მეტასტაზირების პროცესს.
http://medportal.ru
2010.07.29
|
