ალკოჰოლის რეგულარული მოხმარება იცავს სახსრებს რევმატოიდული ართრიტისაგან. ამ დასკვნამდე მივიდნენ ბრიტანელი მეცნიერები პროფესორ ჯერი უილსონის ხელმძღვანელობით.
კვლევაში მონაწილეობას ღებულობდა თითქმის 2000 ადამიანი, რომელთაგან 900 მონაწილეს აღენიშნებოდა რევმატოიდული ართრიტის არსებობა. გამოკითხვით მეცნიერებმა გაიგეს მოხმარებული ალკოჰოლის რაოდენობა, ასევე, მონაცემები ჯანმრთელობის მდგომარეობის შესახებ, მათ შორის, რენტგენოლოგიური კვლევისა და სისხლის ანალიზის შედეგები.
მკვლევარებმა დაადგინეს, რომ პაციენტებს, რომლებიც უფრო მეტ ალკოჰოლს მოიხმარდნენ, აღენიშნებოდათ დაავადების ნაკლებად გამოხატული სიმპტომები, ვიდრე მათ, ვინც არ სვამდა ან სვამდა იშვიათად. რენტგენის სურათით გამოვლინდა სახსრების ნაკლები დაზიანება, ხოლო სისხლის ანალიზით – ანთებითი პროცესის მაჩვენებლების ნაკლები დონე. მსმელ ადამიანებში, ასევე, იშვიათად შეინიშნებოდა სახსრების ტკივილი, შეშუპება და დაინვალიდება.
არამსმელებში რევმატოიდული ართრიტის განვითარება ოთხჯერ უფრო ხშირი იყო იმ ადამიანებთან შედარებით, რომლებიც ალკოჰოლს ჟარბად მოიხმარდნენ თვეში 10 დღეზე მეტჯერ. მეცნიერთა მონაცემებით, კვლევის შედეგები ერთნაირი აღმოჩნდა კაცებისა და ქალებისათვის. აღსანიშნავია, რომ წინა კვლევებმა დაადასტურა მოწევის პირდაპირი კავშირი რევმატოიდული ართრიტის განვითარების რისკის ზრდასთან.
რევმატოიდული ართრიტი შემაერთებელი ქსოვილის ქრონიკული დაავადებაა, რომელიც იწვევს სახსრების ეროზიულ-დესტრუქციულ დაზიანებას და ვლინდება სახსრების ტკივილით, შეშუპებით და მოძრაობის შეზღუდვით; ფილტვების, პერიკარდის, პლევრის, სკლერის, ასევე, მყესებისა და კუნთების დიფუზური ანთებით.
რევმატოიდულ ართრიტს თანდათანობითი პროგრესირებადი მიმდინარეობა ახასიათებს, რომელსაც ენაცვლება რემისიების პერიოდები. ეს დაავადება აღენიშნება მოზრდილი მოსახლეობის 1%-ს, რომელთა რიცხვი მუდმივად მატულობს.
http://medicine.newsru.com
2010.07.29
|
