ექსპერტები გვაფრთხილებენ: მრავალი ადამიანი, რომელიც იწყებს სწორ კვებას, ვერ აცნობიერებს შესაძლო რისკებს. ტრადიციულად დიეტოლოგები გვირჩევენ, შევიტანოთ ჩვენს რაციონში მეტი ხილი და ბოსტნეული. ამ დროს ბევრმა არ იცის, რომ ჩვეულებრივი კომბოსტო, სალათი-ლატუკი, ბრიუსელის კომბოსტო და ყვავილოვანი კომბოსტო შეიცავენ ქიმიურ ნივთიერებას - გოიტროგენს, რომელიც თრგუნავს ფარისებრი ჯირკვლის აქტივობას და იწვევს ორგანიზმში იოდის ცვლის დარღვევას. როგორც მედიკოსები აღნიშნავენ, საბედნიეროდ, ეს ბოსტნეული არ შეიცავს დიდი რაოდენობით ძლიერ ტოქსინებს.
ჩვეულებრივ, ბოსტნეულზე ალერგია თითქმის არ არის, მაგრამ ზოგიერთი მათგანი შეიცავს ტოქსინებს, რომლებსაც შეუძლიათ, თავის მხრივ, ალერგიის გამოწვევა. მაგ. ასეთია პომიდორი, ბადრიჯანი, შავი წიწაკა. რაც შეეხება სიმწვანეშეპარულ ან ამოსულ კარტოფილს, ის შეიცავს ალკალოიდებს ჩაკონინსა და სოლანინს, რომლებსაც შეუძლიათ შაკიკისა და ძილიანობის გამოწვევა.
დიდ როლს თამაშობს ის, თუ როგორ მივირთმევთ ბოსტნეულს. მაგ. საკვებად უმი ბოსტნეულის მიღება საკმაოდ სახიფათოა, ვინაიდან მის ზედაპირზე შეიძლება აღმოჩნდეს პათოგენური ბაქტერიები - E.coli და სალმონელა. ეს ზრდის საჭმლის მომნელებელი ტრაქტის ინფექციების განვითარების რისკს.
ტოქსინები შეიძლება აღმოჩნდეს ხილშიც. გარგარი და ქლიავი იწვევს ოსმოსურ დიარეას, განსაკუთრებით იმ ადამიანებში, რომლებსაც აღენიშნებათ ფრუქტოზას აუტანლობა. ტოქსიური ნივთიერებების გამოვლინებას ხელს უწყობს ტემპერატურის ცვალებადობა, დაბალი pH, წყლის დაბალი შემცველობა, შენახვის არასწორი პირობები. ამას ემატება ინსექტიციდები და სასუქი.
http://Medicine.newsru.com
2010.07.30
|
