ფართოდ გავრცელებულმა ანტიბიოტიკმა ლევოფლოქსაცინმა, რომელსაც ნიშნავენ რესპირატორული ინფექციების და ცხვირის დანამატი ღრუების ინფექციების დროს, შეიძლება გამოიწვიოს ღვიძლის სერიოზული დაზიანება ხანდაზმულ ადამიანებში. სხვა პრეპარატები იმავე ფტორქინოლონების ჯგუფიდან, მაგალითად მოქსიფლოქსაცინი, ასევე ნეგატიურ გავლენას ახდენს ღვიძლზე.

როგორც დოქტორი დევიდ იურლინკი აღნიშნავს, ონტარიოს საავადმყოფოებში ღვიძლის დაზიანების გამო მოთავსებული 66 წლის ასაკს გადაცილებული 144 პაციენტის სამედიცინო მონაცემების ანალიზმა აჩვენა, რომ ეს ადამიანები იღებდნენ ერთ ან ორ ანტიბიოტიკს. თანაც მათ მანამდე არ ქონდათ ღვიძლთან დაკავშირებული პრობლემები. საბოლოო ჯამში, ამ პაციენტებიდან 88 ადამიანი დაიღუპა.

მეცნიერებმა შეადარეს ღვიძლის დაავადებების მქონე იმ პაციენტების რაოდენობა, რომლებიც იღებდნენ ლევოფლოქსაცინს ან მოქსიფლოქსაცინს, იმ პაციენტების რაოდენობას, რომლებიც იღებდნენ კლარიტრომიცინს. აღმოჩნდა, რომ პირველი ორი მედიკამენტის მიღება თითქმის ორჯერ ზრდიდა ღვიძლის დაზიანების რისკს.

ვინაიდან ლევოფლოქსაცინის ტიპის პრეპარატების გვერდითი ეფექტები საკმაოდ იშვიათია, ისინი, ჩვეულებრივ, არ გამოვლინდება გაყიდვის წინ ჩატარებული ტესტირების დროს, მაგრამ თუ მხედველობაში მივიღებთ იმ ფაქტს, რომ ეს ანტიბიოტიკები ძალიან ხშირად ინიშნება ექიმების მიერ და მათ იღებს მილიონობით ადამიანი წლების განმავლობაში, მაშინ სეროზულ პრობლემასთან გვაქვს საქმე.